Bağça müəllimləri bu il sertifikasiya imtahanı verəcəklər? - AÇIQLANDI
Gündəm / Təhsil
Oxunub: 18
31 янв 2024 | 12:09
Bağça müəllimləri bu il sertifikasiya imtahanı verəcəklər? - AÇIQLANDI

Məlum olduğu kimi, dövlət məktəbəqədər təhsil müəssisələrində işləyən təhsilverənlərin də sertifikatlaşdırılması həyata keçiriləcək. Lakin Elm və Təhsil Nazirliyi bağça müəllimlərinin sertifikatlaşdırılmasının dəqiq tarixini açıqlanmayıb.


Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyi bağça müəllimlərinin bu il sertifikatlaşdırılmaya cəlb olunub-olunmayacağı məsələsinə aydınlıq gətirib.




Agentlikdən cavab olaraq bildirib ki, “2024-cü ildə dövlət məktəbəqədər təhsil müəssisələrində işləyən təhsilverənlərin sertifikatlaşdırılması planlaşdırılmır”.


Bununla yanaşı, Dövlət Agentliyi məktəbəqədər təhsil müəssisələrində işləyən təhsilverənlərin sertifikatlaşdırılmasının 2026-cı ilin sonlarınadək keçirilməsinin nəzərdə tutulduğunu da qeyd edib.


Eyni zamanda, sertifikasiya imtahanlarına cəlb olunacaq bağça müəllimlərinin sayı da açıqlanıb.


Bildirilib ki, 2026-cı ilin sonuna kimi 17000 pedaqoji heyətin sertifikasiyası nəzərdə tutulur.


Agentlikdən onu da qeyd ediblər ki, təhsilverənlərin sertifikatlaşdırılma prosesi bütün regionlar daxil eyni tarixdə həyata keçiriləcək və proses 3 gün davam edəcək.


Sertifikasiya imtahanlarının 2025 və ya 2026-cı ilin yay aylarında keçirilə biləcəyi istisna olunmur.


Xatırladaq ki, Nazirlər Kabinetinin ötən il təsdiqlədiyi Qaydalara əsasən, dövlət məktəbəqədər təhsil müəssisələrində pedaqoji fəaliyyətlə məşğul olan, ali və orta ixtisas təhsilinə malik təhsilverənlərin peşəkarlıq səviyyəsinin və peşə yararlılığının yoxlanılması məqsədilə sertifikasiya imtahanları keçirləcək.


Qaydalara görə, bağça müəllimləri 5 ildə bir dəfə sertifikatlaşdırmadan keçməlidirlər.


Aşağıdakı təhsilverənlər sertifikatlaşdırmadan keçmirlər:


- hamilə qadınlar;


- uşağının üç yaşınadək sosial məzuniyyətdə olan və həmin məzuniyyət bitdikdən sonra 1 (bir) ildən az müddətdə müvafiq vəzifədə (peşədə) çalışan qadınlar (uşağını təkbaşına böyüdən kişilər);


- ilk dəfə işə qəbul olunanlar, 3 (üç) il müddətində;


- azı 3 (üç) dəfə sertifikatlaşdırmadan keçmiş təhsilverənlər.


- 60 və daha yuxarı yaşda olan təhsilverənlərin sertifikatlaşdırmada iştirakı könüllüdür.


Bağça məüllimlərinin sertifikatlaşdırması iki mərhələdən ibarətdir: test imtahanı və müsahibə.


Test imtahanı mərhələsində təhsilverənlərə məktəbəqədər təhsilin məzmunu və metodikası, həmçinin uşaq və yaş psixologiyası üzrə 60 (altmış) sual təqdim edilir.


Kompüterlə elektron qaydadakeçirilən test imtahanına 120 dəqiqə vaxt ayrılır.


Test imtahanı mərhələsində hər bir suala düzgün cavab 1 balla qiymətləndirilir. Səhv cavablar və ya sualın cavabsız qoyulması 0 bala bərabər tutulur və düzgün cavablara təsir göstərmir.


Test imtahanı mərhələsində azı 30 bal toplamış təhsilverənlər sertifikatlaşdırmanın müsahibə mərhələsinə buraxılırlar.


Müsahibə mərhələsində hər bir təhsilverənə 20 dəqiqə vaxt ayrılır.


Müsahibə mərhələsi aşağıdakı meyarlar əsasında qiymətləndirilir:


- təhsilverənin ünsiyyət bacarığı (20 bal);
təlimin planlaşdırılması bacarığı (10 bal);
- təlimin təşkilində istifadə olunan iş forması və üsulları tətbiq etmək bacarığı (10 bal).


Müsahibə mərhələsində maksimum 40 bal toplanıla bilər.


Sertifikatlaşdırmanın müsahibə mərhələsində azı 20 bal toplamış təhsilverənlər həmin mərhələdən keçmiş hesab edilirlər.


Müsahibənin nəticələri onun keçirildiyi tarixdən 5  iş günü müddətində elan edilir və təhsilverənlərin sertifikatlaşdırma üzrə ümumi nəticələri onların “Şəxsi kabinet”inə göndərilir.


Sertifikatlaşdırmanın test imtahanı və müsahibə mərhələlərində minimal balları toplamış təhsilverənlər prosesdən keçmiş hesab olunurlar.


Sertifikatlaşdırmanın nəticələri ilə razılaşmayan təhsilverənlər məhkəməyə və (və ya) nəticənin onun “Şəxsi kabinet”inə göndərildiyi tarixdən 30 iş günü müddətində inzibati qaydada Nazirliyə şikayət verə bilərlər. Nazirlik təhsilverənin şikayətinə onun iştirakı ilə “İnzibati icraat haqqında” Azərbaycan Respublikasının Qanununa uyğun baxır.


Sertifikatlaşdırmadan keçmiş təhsilverənlər 5 il müddətində təhsil müəssisələrində öz ixtisasları üzrə pedaqoji fəaliyyətlə məşğul olmaq hüququ əldə edirlər.


Sertifikatlaşdırmanın nəticələri təhsilverənlərin əməyinin stimullaşdırılmasında nəzərə alınır.


Üzrlü səbəblərdən sertifikatlaşdırmada iştirak etməyən və ya sertifikatlaşdırmadan keçməyən təhsilverənlər 1 il müddətində iş yeri saxlanılmaqla təkrar sertifikatlaşdırmada iştirak etmək hüququna malikdirlər.


Təkrar sertifikatlaşdırmada iştirak etməyən və ya keçid balını toplaya bilməyən təhsilverənlər sertifikatlaşdırmadan keçməmiş hesab olunurlar. Təkrar sertifikatlaşdırmadan keçməyən təhsilverənlərlə bağlanılmış əmək müqaviləsi 1 ay müddətində Əmək Məcəlləsinin 70-ci maddəsinin “c” bəndinə müvafiq olaraq işəgötürən tərəfindən ləğv edilir.(Modern)
Сегодня, 14:44
Tacikistanda 9 nəfər saxlanılıb - "Crocus" işi
Сегодня, 14:15
Roma Papası 12 qadının ayağını yudu və öpdü
Сегодня, 13:33
Yalnız bu qadınlar pensiyaya tez çıxa biləcək - Şərt AÇIQLANDI
Сегодня, 12:55
Ermənistan parlamentinin sədri Aİ spikerlərinin görüşünə QATILACAQ
Сегодня, 12:31
Nobel mükafatlı professor Azərbaycanda rektorun müşaviri TƏYİN EDİLDİ
Сегодня, 11:41
Sahibə Qafarova Simonyanla görüşündən DANIŞDI
Сегодня, 11:06
Məktəb psixoloqları üçün müsabiqə keçiriləcək
Сегодня, 10:36
Ombudsman bəyanat YAYDI
Сегодня, 09:45
Milli Məclis bu gün 21 məsələyə görə TOPLAŞIR
Сегодня, 09:08
Professor Tufan Axundov vəfat etdi
Сегодня, 08:42
Hazırda tıxac olan yolların SİYAHISI
Вчера, 16:10
Türkiyədə 39 küçəyə şəhidlərimizin adı verildi
Вчера, 15:30
Prezident bu qanuna dəyişiklik etdi
Вчера, 15:02
Kremldən “Crocus City Hall”un bərpası ilə bağlı açıqlama
Вчера, 13:43
“Azneft”in baş direktoru da vəzifəsindən azad edildi - Yeni təyinat
Вчера, 11:45
Nikol Paşinyan Qarabağ separatçılarına xəbərdarlıq edib
Вчера, 11:04
Bu məktəbin direktoru işdən çıxarıldı
Вчера, 10:30
Fransa Ermənistanı yeni müharibəyə təhrik edir - DTX rəisi
Вчера, 09:40
Təhlükəsizlik orqanlarının yaranmasının 105 illiyi
Вчера, 09:14
Tokayev: Dünyanın yeni çoxtərəfli ticarət sisteminə ehtiyacı var
27-03-2024, 15:46
Azərbaycan millisi İrəvana getməkdən İMTİNA ETDİ
27-03-2024, 14:56
İlham Əliyev BDU-ya rektor TƏYİN ETDİ
27-03-2024, 14:33
İpoteka və Kredit Zəmanət Fondunun nizamnaməsində dəyişiklik edildi - FƏRMAN
27-03-2024, 13:28
Türkiyə şəhərləri merlərini seçir: A-dan Z-yə SEÇKİ PROSESİ
27-03-2024, 12:47
Sabah 21° isti olacaq
27-03-2024, 10:46
Teleaparıcıların efir vaxtı azaldıldı
27-03-2024, 10:11
"Qış parkı"ndakı dayanacaqda bahalaşma - Parkinq qiymətləri